حــبيبــى
قلبي فاتحلك حضنه تعالى للأحلام
نرجع تانى أنا وإنت ف ثانيه زى
زمان
نرقص تحت القمره .. على تغريد عصفوره
وأغنية كتبناها .. أغلى وأجمل قصه
بين قمره ووردايه
حــبيبــى
أحزانا هننساها وحياتنا هنحياها
ويجرى العُمر وتكبر وأنا جنبك راح
أكبر
بس أنا عمرى ماهدبل .. هيفضل قلبي
صغير يا حبيبي يغنيلك
حــبيبــى
لون الضحكه الخمرى وفرحة عمرى الوردى
عُمرك ما هتنسانى ولا قلبي راح يبعد
دانت هَناك في حنانى ومعاك بلقى أمانِ
ولا في شئ فى زمانى عنك
هيعوضـنى
حــبيبــى
كنت أنا وإنت حكايه
أبطالها يتحبوا.. فارس ويا أمـيرته
على حصانه بيخطفها وف قلبه يخبيها
جوه كتاب نكتبها وبإسمك أسميها
وأشوفك بتقولها لولادنا وتحكيها
....
حــبيبــى
ياللى زمانك صافي وقلبك بلسم شافي
منك أنا هتعلم إزاى أقوى وأحلم
دانت حروف ف كتابى
وف ريحتك زهر بلادى
وجوه عنيك الوادى
وأحلى طريق ف مدينتى
وف ملامحك أجدادى
حــبيبــى
مـهما الموج راح يعلي
فيك أنا هتحامى
على قلبك أنا ههرب أسكن بر أمانى
طول ما إيديك في إيديا ومع بعضنا بنكمل
لا هنتعب
ولانسمع غير صوت الضحكايه
......*****......
هناك 5 تعليقات:
كلمات جميلة
ولااحساس فيها اجمل واروع
ربنا يوفقك ياربو ويسعدك
وتفضلي طول عمرك مبسوطة
ومايحرمكم من بعض
جميل النيولوك
الف مبروك عليه
تقبلي مروري ^_^
سلامي لاجمل عسولة.
السلام عليكم
حلوه
جدا
سلمت
ايدك
يا
قمر
ودى وإحترامى :)
على قلبك انا ههرب اسكن برأمانى
حلوة اوى يا أمانى ربنا يوفقك
عدت إل جنتك لأشم ريحق الورود
عدت إليها سابحاً فيى الملكوت
تعجز الكلمات عن التعبير
فحقاً كلماتك يملؤها العبير
أتمني زيارتك لتنيري مدونتي
دمتي في حفظ الرحمن
الله الله الله
على الرومانسيه الرائئئئعه
بجد بحبك كلامك اوووووووووووووووووى
إرسال تعليق