الاثنين، 22 مارس، 2010

قل للبعد هنساك



كم أهواك يا قمرى

ولا تدرى بأهاتى

وأقول .....أقول

أحبك

ولا تسمع نداءاتى

ولا أدرى

من تعشق يا كيانى

ياعمرى الماضٍ والأتى

أنا أهواك

فهل تهوى حياتى؟؟

    أنا أحبك ولا أراك وكل من حولى يراكــــــ

هل تحبنى وتخبئ حبي في أعماقك؟؟

أم

هل تهوى غيرى وتتركنى لأوهامى

أتحبنى؟

فماذا تنتظر يا قمرى؟؟

وتصبر على حبك وتنحرنى أهاتى

قل ولا تخشي منى

فأنا أحن عليك من نفسك "أنا أهواك"

قلها ولا تخف

فبصمتك ستجنى علي أحلامى

أخبرنى وإقترب

أعشقك حقا....فماذا تنتظر؟؟؟

أن أموت أمامك وتعود خسرانــ

لو أقدر أقولها لقلتها

فأنا أنتظرك....أنتظر

صورتك ...بسمتك....خطواتك

حبيبي .....نعم حبيبي

أقولها فقط أمام قلمى وأوراقي

أتمنى أن أقف أمامك

أرى الدنيا بمقلتك

أسمع نبضك ونبراتك

حبيبي قلها أمام الكون وأمامى

أريد أن أكون أميرتك...أجمل أيامك

هيا أميري..... هيا الوقت قد حان

إطلق سراح الحب......وقل للبعد هنساكـــــ

الاثنين، 15 مارس، 2010

معقول...يا حسره




السلام عليكم

بجد أنا مش عارفه أقول إيه ولا أعمل إيه

معتش فيه غير خوف وألم وصمت وحق بيموت

اليهود بيدافعوا عن باطلهم بكل شجاعه

وإحنا ولا عارفين نعمل حاجه غير لا لهدم القدس

الكلمه مش هتفيد

والكلام مش هيفيد

معقول مسري النبي صلي الله عليه وسلم ينهد

معقول مكان مقدس زى ده ينزل وأصحابه يموتوا عليه

هى فين العروبه وفين الرجال وفين القياده

لا حول ولا قوة إلا بالله

ربنا موجود...مش هقول غير يارب لإنى فقدت الأمل أن الناس تتكلم جد ويعملوا باللي بيقولوه

يا حسره 

يا حسره علي ألم بداخلى إتحول لنار

يا حسره علي هم وعذاب جبار

يا حسره علي القدس اللى ملناش فيه قرار

يا حسره علي رجال ساكتين والأطفال بيموتوا وبينكوا بنار

ياحسره علي صراخ أسكته الصمت في كل دار

ياحسره علي خوف وفزع كل فلسطينى مستنى قرار الكفار

ياحسره لما الباطل يقوى والحق ينهار

يا حسره ويا عذاب لما العروبه والقيادات العربيه

تبقي في منتهى الإستهتار

ياحسره علي أقصانا لما يبقي بيت للشيطان

السبت، 6 مارس، 2010

الكاس الحزين




كاس داير علي قلوب العاشقين

خلاهم في الهوا مساكين

دوبهم وجرحهم وخلاهم يقولوا بدل الأه أهين

تاهوا من حياتهم جوا دوامة السنين

بيدوروا علي قطرة حنين يملوا بيها كاسهم الحزين

بس فين؟؟

فى زمنا العجيب السريع

اليوم فيه بثانيه ويوم الجرح بسنين

الحب فيه إتنسي والصدق دبحناه بسكين

أه منك يا زمن

لما بتيجى علي الضعيف وتعلي اللئيم

بتضيع وتجرح فينا يا إما نبقي زيك

يا تضيع أمانينا

نيجى في تيارك ننسي أصحابنا وأهالينا وكل ما لينا

نفضل بقلوبنا الصافيه اللي الحب ماليها

نضيع من الدنيا ويضيع حقنا فيها

ونفضل طول عمرنا راضين عايشين نشرب

من الكاس الحزين

هنودى الكاس ده فين وانا شايفاه في كل عين

جارح حتى الطفل الصغير

متقوليلي يا سنين هيفضل ده حالنا كتير  

متقولولي يا ناس هنفضل كده ساكتين

نسيتوا خلاص إننا بنى أدمين


هنموت أجمل ما فينا  وننسي الحب الجميل

هتيجى علي نفسنا ونقول للغدر أمين

ولا هنمد إيدينا لبعض ونحكم قلوبنا بعقلنا

ولا هنجرح قلب اللى يحبنا ونموت في العاشقين

ياريت بالحب نموت غدرنا ونكسر كا سنا الحزين